Աստված բժշկում է նաև այսօ՛ր․ աղոթք բոլորի համար

«Եվ քարը բարձրացրին։ Հիսուսն աչքերը վեր բարձրացրեց ու ասաց. «Հա՛յր, շնորհակալ եմ քեզ, որ ինձ լսեցիր։ Ես գիտեի, որ միշտ լսում ես ինձ. բայց դա ասացի շուրջս կանգնած ժողովրդի համար, որպեսզի հավատան, որ դո՛ւ ինձ ուղարկեցիր»։»

‭‭ՀՈՎՀԱՆՆԵՍ‬ ‭11‬:‭41‬-‭42‬ ՆՎԱԱ‬

Տեր Հիսուս աղոթում էր Ղազարոսի հարության համար։ Նա աղոթում էր մարդկանց աչքին անհավանական թվացող մի բանի համար։ Այս աղոթքը ընթերցելիս տպավորություն է ստեղծվում, թե Նա աղոթում էր Ղազարոսի հարությունից հետո, սակայն, իրականում, այս աղոթքը նախորդում էր այդ անհավանական հրաշքին։ Հա՛յր, գոհանում եմ, որ լսեցիր Ինձ։ Աստվածաշունչն ասում էր, որ Տեր Հիսուս հրաշքներ եւ բժշկություններ էր անում, քանի որ Հայրը միշտ Նրա հետ էր։ Իսկ Հայրը Նրա հետ էր, որովհետեւ Տեր Հիսուս միշտ փափագում էր Հոր կամքը կատարել եւ երբեք որեւէ բան չէր ասում կամ անում, քանի դեռ չէր լսել Իր Հորից։ Թե՛ բժշկությունները եւ թե՛ Ղազարոսի հարության այս հրաշքը հետեւանք էին Տեր Հիսուսի եւ Հայր Աստծո միջեւ առկա մտերիմ ու ջերմ հարաբերության՝ Ես գիտեի, որ միշտ լսում ես Ինձ, բայց այս շրջակա ժողովրդի համար ասացի, որպեսզի հավատան, որ Դու Ինձ ուղարկեցիր։ Իսկ մեր աղոթքները արդյոք խոսո՞ւմ են Աստծո հետ մեր մտերիմ հարաբերությունների մասին։ Արդյոք դրանք նշա՞ն են մեր շրջապատի մարդկանց համար, որ Աստված մեզ հետ է եւ լսում է մեր աղոթքները։ Արդյոք

լսո՞ւմ ենք Աստծո առաջնորդությունը մեր կյանքի ցանկացած իրավիճակում։ Սովորե՛նք Տեր Հիսուսից նախ Հայր Աստծո հետ մտերիմ հարաբերության գաղտնիքը եւ հետո նաեւ՝ սովորե՛նք աղոթել այնպիսի աղոթքով, որը վկայություն կլինի մեր շրջապատի մարդկանց համար։

Տեր Հիսուսի անունով Աստծո հետ հնազանդության մտերիմ հարաբերություն եւ շրջապատի համար Աստծո փառքը վկայող աղոթքների իրականություն եմ խնդրում այս գրառումը ընթերցողների կյանքում:

Եղեք օրհնված

Եթե ունեք աղոթքի ու բժշկության կարիք, գրեք մեր էջին անձնական նամակով։ Մենք սիրով կաղոթենք Ձեզ համար։