Լոս Անջելեսում հրդեհներից միայն կանգուն է մնացել եկեղեցին․ շուրջը բոլորը մոխրացել է
Լոս Անջելեսի հրդեհի վնասները կարող են հասնել 275 միլիարդ դոլարի, հաղորդում է ամերիկյան Washington Post-ը` հղում անելով օդերևութաբանական AccuWeather ընկերությանը։
«Սա Կալիֆորնիայի պատմության ամենավատ անտառային հրդեհներից է»,-ասել է ընկերության ներկայացուցիչ Ջոնաթան Փորթըրը։
Միայն Փալիսեյդս ու Ալթադենա շրջաններում 12 հազար շենք է ոչնչացել։ Այրվել են Միացյալ Նահանգների ամենաթանկարժեք տները՝ Սանտա Մոնիկայի ու Մալիբուի հատվածում։ Անշարժ գույքի միջին գներն այստեղ գնահատվում են մոտ երկու միլիոն դոլար։
Լոս Անջելեսի այժմյան հրդեհները պատճառած վնասի ծավալներով գերազանցում են անգամ «Հելեն» փոթորիկի, Հավայան կղզիների աղետների հետևանքով առաջացած վնասները։
Կալիֆորնիայում հրդեհները դեռ չի հաջողվում մարել։ Այսօր քամու ուժգնացում է կանխատեսվում։