Միլլերն անդրադարձել է Փաշինյանի, Ֆոն դեր Լայենի և Բլինքենի հանդիպման վերաբերյալ Զախարովայի հայտարարությանը
ԱՄՆ պետքարտուղարության խոսնակը լրագրողների հետ ճեպազրույցում անդրադարձել է ՀՀ վարչապետ Նիկոլ Փաշինյանի, Եվրահանձնաժողովի նախագահ Ուրսուլա Ֆոն դեր Լայենի և ԱՄՆ պետքարտուղար Էնթոնի Բլինքենի՝ ապրիլի 5-ին նախատեսված հանդիպմանը, հաղորդում է «Լուրերը»:
Մեթյու Միլլերը, մասնավորապես, մեկնաբանել է ՌԴ ԱԳՆ խոսնակի հայտարարությունը, թե «նմանատիպ նախաձեռնությունները մտահոգում են Մոսկվային, քանի որ, Մարիա Զախարովայի խոսքով, ուղղված են ոչ թե Բաքվի և Երևանի միջև խաղաղությանը, այլ Հարավային Կովկասում բաժանարար գծեր և հակառուսական օրակարգ ստեղծելուն:
«Տարածաշրջանում նկատվող որոշակի տուրբուլենտությունը պայմանավորված է վերջին ամիսներին Ռուսաստանի գործողություններով:
Իսկ Բրյուսելում նախատեսված եռակողմ հանդիպման ընթացքում կողմերը կենտրոնանալու են Հայաստանի տնտեսական կայունության վրա, քանի որ Հանրապետությունն աշխատում է իր առևտրային հարաբերությունները դիվերսիֆիկացնելու և հումանիտար կարիքները հոգալու ուղղությամբ. ուրիշ ոչինչ չկա»,- ասել է Միլլերը:
Այս թեմայով
ՀՀ վարչապետ Նիկոլ Փաշինյանի հարցազրույցը բրիտանական The Telegraph-ին
Նիկոլ Փաշինյանը և Ալեն Սիմոնյանը զբոսնել են Հյուսիսային պողոտայում (տեսանյութ)
Նիկոլ Փաշինյանը երկօրյա պաշտոնական այցով ժամանել է Եգիպտոս
Այսօր հպարտությամբ ենք արձանագրում, որ Հայաստանի բազմաթիվ կանայք ներգրավված են տնտեսական գործունեության մեջ․ վարչապետ
Նիկոլ Փաշինյանը ասուլիս կհրավիրի. օրն ու ժամը հայտնի են. ՀԺ
